Financial Institutions

နိုင်ငံခြားဘဏ်များ၊ အသေးစားငွေရေးကြေးရေးအဖွဲ့အစည်းများ (MFIs)၊ ဘဏ်မဟုတ်သော ငွေကြေးအဖွဲ့အစည်းများ (NBFIs)၊ အာမခံကုမ္ပဏီများ၊ FinTech ကုမ္ပဏီများနှင့် ကောင်းမွန်သောဆက်ဆံရေးကိုတည်ဆောက်၍ အဖွဲ့အစည်း၏ စွမ်းဆောင်ရည်ကို မြှင့်တင်ရန်နှင့် ဝန်ထမ်းများအား လှုံ့ဆော်ပေးခြင်းဖြင့် ထိပ်တန်းဦးဆောင်သည့်အခန်းကဏ္ဍမှ ဘဏ္ဍာရေး အဖွဲ့အစည်းကို တည်ထောင်ရန်။

Financial Institutions ဌာန၏ရှေ့လုပ်ငန်းစဉ်

ပြည်တွင်းပြည်ပကုန်သွယ်မှုများတွင် လုပ်ငန်းစွမ်းဆောင်ရည်ထိရောက်မှုရှိစေရန်နှင့် ကုန်ကျစရိတ်ကိုသက်သာစေပြီး အပ်ငွေနှင့် ချေးငွေများ တိုးတက်စေရန်အတွက် မဟာဗျူဟာမြောက် မိတ်ဖက်များ ထူထောင်ရန်။

FI ဌာနသည် ထိုင်း၊ ကမ္ဘောဒီးယားကဲ့သို့သော အာရှနိုင်ငံများတွင် သင့်လျော်သော မိတ်ဖက်ဘဏ်များ တည်ထောင်၍ အပြည်ပြည်ဆိုင်ရာကုန်သွယ်မှုများအတွက် ဂုဏ်သတင်း၊ ယုံကြည်စိတ်ချရမှုနှင့် ကုန်သွယ်မှုပမာဏ စသည့်အချက်များ အပေါ် အခြေခံ၍ ထိုင်းဘတ်နှင့် အမေရိကန်ဒေါ်လာ Nostro အကောင့်များဖွင့်လှစ်ပေးနိုင်ရန် ကြိုးပမ်းလျက်ရှိပါသည်။

ထို့အပြင် FI ဌာနသည် အနာဂတ်ခြေလှမ်းသစ်များအဖြစ် နိုင်ငံခြားငွေလဲလှယ်မှု၊ Settlement၊ ငွေဖြစ်လွယ်မှုနှင့် အတိုးနှုန်းအန္တရာယ်များကို စီမံခန့်ခွဲနိုင်ရန်အတွက် အခြားသောငွေရေးကြေးရေးအဖွဲ့အစည်းများ (FIs) ၊ အသေးစား ငွေရေး ကြေးရေးအဖွဲ့အစည်းများ (MFIs)၊ ဘဏ်မဟုတ်သော ငွေကြေးအဖွဲ့အစည်းများ (NBFIs) နှင့် NGO/INGOs များအား အမျိုးမျိုးသော ဘဏ်လုပ်ငန်းဝန်ဆောင်မှုများကို ပံ့ပိုးပေးရန် လုပ်ဆောင်လျက်ရှိပါသည်။

FI ဌာနသည် အသေးစားငွေရေးကြေးရေးအဖွဲ့အစည်းများ (MFIs)၊ ဘဏ်မဟုတ်သော ငွေကြေးအဖွဲ့အစည်းများ (NBFIs) ၊ ငွေလွှဲအေဂျင်စီများ၊ FI မိတ်ဖက်အဖွဲ့အစည်းများနှင့် အလားအလာရှိသော ဖောက်သည်များနှင့်ပူးပေါင်းဆောင်ရွက်ခြင်းဖြင့် အောက်ပါရည်မှန်းချက်များပြည့်မီရန် ဆောင်ရွက်လျက်ရှိပါသည်။

• ငွေကြေးဝန်ဆောင်မှုကဏ္ဍတွင် မြန်မာ့ခရီးသွားဘဏ်၏ Market Share ကို တိုးမြှင့်ခြင်း။
• ဘဏ်၏ လက်လှမ်းမီမှုကို ချဲ့ထွင်ခြင်း
• ဘဏ်၏ အမှတ်တံဆိပ်ဂုဏ်သတင်းကို မြှင့်တင်ခြင်း
• ဘဏ်၏ဝန်ဆောင်မှုကို အသုံးပြုသော customer များ၏ စိတ်ကျေနပ်မှုကို တိုးတက်စေခြင်း
• မြန်မာနိုင်ငံတော်ဗဟိုဘဏ်၏ လမ်းညွှန်မှုနှင့်အညီ ကုန်သွယ်မှုများ၊ ငွေလွှဲမှုများကို ချောမွေ့စေခြင်း

မြန်မာ့ခရီးသွားဘဏ်သည် ထိုင်းနိုင်ငံရှိ Siam Commercial Bank (SCB) နှင့် ပူးပေါင်းကာ နိုင်ငံတကာကွန်ရက်ကို တိုးမြှင့်ခြင်းအားဖြင့် မြန်မာအလုပ်သမားငွေလွှဲမှုများနှင့် နိုင်ငံတကာငွေလွှဲများအတွက် Money Gram နှင့် ပူးပေါင်းကာ ဘဏ်၏ customer များအတွက် ထိရောက်လွယ်ကူသော ငွေကြေးဝန်ဆောင်မှုများကို ပံ့ပိုးပေးလျက်ရှိပါသည်။
ကျွန်ုပ်တို့၏တန်ဖိုးရှိသော customer များအတွက် ဒစ်ဂျစ်တယ်ပိုင်းဆိုင်ရာဆန်းသစ်တီထွင်မှုနှင့် ဘဏ်လုပ်ငန်း အတွေ့အကြုံကို မြှင့်တင်ရန် အတွက် ICT ဌာနသည် ကျွန်ုပ်တို့ customer များ၏ အနာဂတ်ငွေပေးချေမှုများအတွက် International Payment Gateway ကိုအသုံးပြုခြင်းဖြင့် UPI၊ WeChat ကဲ့သို့သော နိုင်ငံခြားဒစ်ဂျစ်တယ် လုပ်ဖော်ကိုင်ဖက်များနှင့် အပြန်အလှန် စီးပွားရေးလုပ်ငန်းများအတွက် စတင်ကြိုးပမ်းဆောင်ရွက်လျက်ရှိပါသည်။

FI ဌာနမှ ဒစ်ဂျစ်တယ်ဘဏ်လုပ်ငန်းနှင့် အေးဂျင့်ဘဏ်လုပ်ငန်းစနစ်ကို အကောင်အထည် ဖော်နိုင်ရန်အတွက် Dinger, JITS, OK$, MyTel, Quick Food, Hayman Micro Finance နှင့် Mahar Bawga Finance ကုမ္ပဏီများနှင့် မဟာဗျူဟာဆိုင်ရာ မိတ်ဖက်ဆောင်ရွက်မှုများတည်ဆောက်ခဲ့ကြပြီး ဤပူးပေါင်းဆောင်ရွက်မှုများမှတဆင့် ဒစ်ဂျစ်တယ်ငွေကြေး ဝန်ဆောင်မှု များကို ကျယ်ကျယ်ပြန့်ပြန့်ပေးနိုင်ပြီး ကျွန်ုပ်တို့၏ဝန်ဆောင်မှုများကို ကွဲပြားစွာတိုးချဲ့နိုင်စေမည်ဖြစ်ပါမည်။

FI ဌာနသည် Treasury ဌာနနှင့် International Banking ဌာနများဖြင့် ပူးပေါင်း၍ Treasury နှင့် နိုင်ငံတကာဘဏ်လုပ်ငန်း ဝန်ဆောင်မှုများကို ကျွန်ုပ်တို့၏ Customer များ ထိထိရောက်ရောက်ရရှိစေရန် ပံ့ပိုးကူညီပေးလျက်ရှိပါသည်။

အထူးသဖြင့် FI ဌာနသည် Treasury ဌာနနှင့် International Banking ဌာနများကို အောက်ပါကိစ္စရပ်များတွင် ပံ့ပိုးပေး လျက်ရှိပါသည်။

• စျေးကွက်လမ်းကြောင်းများ၊ စီးပွားရေးဆိုင်ရာစိစစ်မှုနှင့် လုပ်ငန်း အချက်အလက်များပေါ်ပြုစုထားသော သုံးသပ်ချက်များ
• ငွေလွှဲမှုများအဆင်ပြေအောင်မြင်စေရေးနှင့် မိတ်ဖက်ဆောင်ရွက်မှုများကို အလေးပေးလေ့လာမှုများ
• FI ဌာနသည် Treasury ဌာနနှင့် International Banking ဌာနများနှင့် နယ်စပ်ဖြတ်ကျော်ငွေပေးချေမှု၊ နိုင်ငံခြားငွေလဲလှယ်မှုနှင့် Risk စီမံခန့်ခွဲမှုဆိုင်ရာ ခေါင်းစဉ်များကို စုစည်းဆွေးနွေးခြင်းများ
• FI ဌာန၊ Treasury ဌာနနှင့် International Banking ဌာနများ ပူးပေါင်းဆောင်ရွက်မှုများမှတဆင့် ကျွမ်းကျင်မှုများ နှင့် စီးပွားရေးအခွင့်အလမ်းသစ်များကို ဖော်ဆောင်ပေးခြင်းများ

FI ဌာနသည် နိုင်ငံရပ်ခြားဘဏ် (SCB ဘဏ်၊ ဘန်ကောက်)နှင့် ပြည်တွင်းဘဏ် (၁၉) ဘဏ်ဖြင့် ပြည်တွင်းပြည်ပ ဘဏ်လုပ်ငန်းဆိုင်ရာကုန်သွယ်မှုကိစ္စများအတွက် RMA လဲလှယ်ထားပြီးဖြစ်ပါသည်။
FI ဌာနသည် ပြည်တွင်းပြည်ပ FI များနှင့် နှစ်စဉ် KYC Review ပြုလုပ်ခြင်းကို အောက်ပါအကြောင်းပြချက်များအတွက် တစ်နှစ်လျှင် နှစ်ကြိမ် ပြုလုပ်ပါသည်။

• ပွင့်လင်းမြင်သာမှုရှိစေရန်
• လိမ်လည်မှုကာကွယ်ရန်
• တည်ငြိမ်မှုရှိစေရန်
• ငွေကြေးဆိုင်ရာ မသမာမှုများကို ကာကွယ်ရန် (AML/CFT)
• နိုင်ငံတကာ ပူးပေါင်းဆောင်ရွက်မှုကို မြှင့်တင်ရန်
• ဂုဏ်သိက္ခာနှင့် Risk စီမံခန့်ခွဲမှုကို မြှင့်တင်ရန်

ယင်းသို့ဆောင်ရွက်ခြင်းဖြင့် မြန်မာ့ခရီးသွားဘဏ်ကို တည်ငြိမ်ပြီးယုံကြည်စိတ်ချရသော ဘဏ်တစ်ဘဏ်အဖြစ် ပုံဖော်ခြင်း ဖြစ်ပါသည်။ ဤလုပ်ဆောင်ချက်များမှတဆင့် Annual KYC Review ၏ အကျိုးကျေးဇူးများဖြစ်သည့် Risk လျော့ပါး ခြင်း၊ စည်းမျဉ်းစည်းကမ်းလိုက်နာခြင်း၊ ဖောက်သည်ယုံကြည်မှုတိုးတက်ခြင်း၊ ပိုမိုကောင်းမွန်သော အုပ်ချုပ်မှုစနစ်နှင့် လုပ်ငန်းစွမ်းဆောင်ရည် ကောင်းမွန်ခြင်းစသည်တို့မှတဆင့် Financial Institution တစ်ခု၏ ဂုဏ်သိက္ခာကို များစွာ အထောက်အကူ ဖြစ်စေပါသည်။

• FI ဌာနသည် ငွေချေးခြင်းနှင့် ချေးယူခြင်းများအတွက် မိတ်ဖက်ဘဏ်များ၏ ဝဘ်ဆိုက်မှ ဘဏ္ဍာရေးစာရင်း ရှင်းတမ်းတွင်ပါရှိသော ငွေကြေးဆိုင်ရာသတင်းအချက်အလက်များကိုစုစည်းပါသည်။
• ထို့နောက် Management မှ ညွှန်ကြားထားသည့် အမှတ်ပေးပုံစံကို အသုံးပြု၍ Credit Scoring ကို တွက်ချက်ပါ သည်။
• ရရှိလာသည့် Credit Score ကို အသုံးပြု၍ ချေးငွေအဆိုပြုချက်များနှင့် အတိုးနှုန်းအား အတည်ပြုဆုံးဖြတ်ရန် ချေးငွေကော်မတီထံတင်ပြပါသည်။

ကျွန်ုပ်တို့၏အဖွဲ့အစည်းအတွင်း၌ရှိသောသူများ၊ နည်းပညာနှင့် အုပ်ချုပ်ရေးတွင် မဟာဗျူဟာကျကျ ရင်းနှီးမြုပ်နှံခြင်းဖြင့် မြန်မာ့ခရီးသွားဘဏ်သည် ပြည်တွင်းနှင့် နိုင်ငံတကာမိတ်ဖက်များတည်ဆောက်၍ တိုးတက်မှုများရရှိရန်ဆက်လက် ကြိုးပမ်းလျက်ရှိပြီး ဘဏ္ဍာရေးကဏ္ဍတွင် ယုံကြည်စိတ်ချရသော ဂုဏ်သတင်းတစ်ခုကိုဖော်နိုင်ပြီဖြစ်သည်။

ဆက်သွယ်ရန်:
MTB Financial Institutions Department,
fidepartment@mtb-bank.com